Өзбек ойыншылары қанша жалақы алады?

Осы ақпаратқа сәйкес, енді Суперлига клубтары футболшыларға белгіленген ең төменгі мөлшерден жоғары айлық төлей алмайды. Өзбекстанның Кәсіби футбол лигасын мұндай қадамға командалардың тәжірибелі ойыншылардың жалақысын көтеріп, жастардың керісінше назардан тыс қалуы итермелеп отыр. Бұл бастама ең алдымен жас футболшылардың игілігі үшін іске асырылуда.

Енді лига жалақысы 5 ЕТМ-ді құрамайтын (еңбекақының төменгі мөлшері) футболшылардың келісімшартын тіркемейді. Бүгінде Өзбекстандағы еңбекақының төменгі мөлшері 1 млн 155 мың сом ( 47 мың теңге). Өзбекстан Суперлигасының ойыншылары ендігіде ең кемі 5 млн 755 мың сом алмақ.

Әлеуметтік желілер мен түрлі пабликтер қазір осыны қызу талқылауда. Көпшілік 6 млн көлеміндегі айлықты футболшыларға аз дейді. Өзбекстандағы таксистердің комфорт және комфорт плюс тарифімен шамамен 7-8 млн сом нәпақасын айырып жүргенін қоса кетуге болады. Десе де, танымал футболшылардың басым бөлігі бәрібір еңбекақының ең төменгі мөлшерінен бірнеше есе жоғары айлық алатынын ескеру керек.