Танымал ресейлік журналист Нобель Арустамян Дастан Сәтпаевтың мансабындағы маңызды кезеңдерге тоқталып, оның "Челсидегі" болашағына қатысты өз пікірін білдірді, деп хабарлайды Aladop.kz.
Арустамянның айтуынша, Дастан Сәтпаев Лондондық клубтың болашақ жобасына лайық ойыншы.
"Менің күмәнім барған сайын азайып келеді. Келесі жазда "Челси" оны Лондонға шақыратынына сенімдімін. Оған негізгі командада мүмкіндік береді деп ойлаймын, жалға жібермейді. Футболдан тыс өмірде де Дастан – мінезі дұрыс, тәртіпті, үлгі боларлық жас.” — деп жазды Арустамян.
