Петропавл қаласындағы "Қарасай" стадионы Қазақстан Премьер лигасының алғашқы турындағы матчтарды өткізуге толықтай дайын, деп хабарлайды Aladop.kz.
Биылғы маусымның алғашқы турында "Қызылжар" Ақтаудың "Каспий” клубымен ойнайды. Матч “Қарасай” стадионында өтеді деп күтілуде.
"Қарасай" стадионы — облыс орталығындағы басты спорттық нысан. Оның тарихы мен техникалық сипаттамасына тоқтала кетсек:
– Сыйымдылығы: Стадион 11 000 көрерменге арналған.
– Тарихы: Нысан 1967 жылы пайдалануға берілген. Алғашқы жылдары ол "Авангард” стадионы деп аталған болатын.
– Мәртебесі: Қазіргі уақытта стадион “Қызылжар" футбол клубының негізгі үй аренасы болып табылады.
