Осы жылдың басында ғана “Ақтөбе” клубының сапына қосылып, күллі елді дүр сілкіндірген әлемдік жұлдыз, Португалиялық атақты жартылай қорғаушы Луиш Нани жазғы трансферлік терезеде командадан біржола кетіп қалуы мүмкін, деп хабарлайды Aladop.kz.
“Манчестер Юнайтедтің” бұрынғы аңызы Қазақстанды жылы аралға айырбастау үшін құпия келіссөздер жүргізіп жатқаны әшкереленді.
Кипрдің футбол тынысын жіті бақылайтын танымал “This Is Mappa: Cyprus Football Podcast” таратқан ақпаратына сүйенсек, Нани дәл қазір жаңа клуб іздестірумен белсенді айналысуда. Тәжірибелі футболшының агенттері Кипр чемпионатының бірінші алтылығына кіретін алпауыт клубтардың бірімен ресми түрде келіссөз үстеліне отырған.
Естеріңізге сала кетейік, 39 жастағы Португалиялық шабуылшы “Ақтөбе” құрамына 2026 жылдың қаңтар айында ғана қосылған болатын. Клуб пен ойыншы арасындағы келісімшарт маусымның соңына дейін ғана жасалған. Алайда, Нанидің Қазақстан Премьер лигасы мен ел Кубогындағы көрсеткіштері жұрт күткендей сұрапыл болмады.
Ардагер футболшы “Ақтөбе” жейдесінде барлығы 14 ресми матчта алаңға шықты. Осы уақыт ішінде ол қарсыластар қақпасына небәрі 2 гол соғып қана көзге түсе алды.
