Англия Премьер-лигасы өзінің ресми сайтында 2019/20 жылғы маусымның ең үздік футболшысына үміткерлердің тізімін жариялады.
Жеті адам маусымның үздік ойыншысы атығына үміткер болып отыр: Джордан Хендерсон, Трент Александр-Арнольд, Садио Мане (барлығы "Ливерпуль"), Кевин Де Брюйне ("Манчестер Сити"), Дэнни Ингс ("Саутгемптон"), Ник Поуп ("Бернли") және Джейми Варди ("Лестер Сити").
Маусымның үздік ойыншысы жанкүйерлердің, лиганың 20 капитаны мен сарапшылар тобының қорытындысы бойынша таңдалады. Жанкүйерлердің дауыс беруі 10 тамызға дейін жалғасады.
