"Пари Сен-Жермен" командасының бас бапкері Томас Тухель қызметінен босатылды, деп хабарлайды L'Equipe.
Дереккөздің хабарлауынша, француз клубы неміс маманымен келісімшарттың бітуіне алты ай қалғанда қоштасуға бел буған. Франция чемпионатының 17-ші турында "Страсбургке" қарсы матчтан кейін (4:0) басшылық Тухельге жұмыстан шығарылғаны туралы хабарлама жасаған.
Бұған дейін ПСЖ Тухельмен келісімшартты ұзартпайды деген ақпарат шыққан еді, бірақ бапкер маусымның соңына дейін клубта жұмыс істейді деп күтілген болатын.
Тухель ПСЖ-ны 2018 жылы қабылдады. Оның басшылығымен париждік клуб екі рет Франция чемпионы атанды, сонымен қатар Франция кубогын, Лига Кубогын және елдің екі суперкубогын жеңіп алды. Команда өткен маусымда Чемпиондар лигасының финалына өтті. ПСЖ-ны жаттықтырғанға дейін Тухель "Боруссия Дортмунд" және "Майнцты" жаттықтырған.
Біздің серіктес: FONBET
