«Қайрат» клубына жаңа атқарушы директор тағайындалды

Талғат Такиев "Қайраттың" атқарушы директоры болып тағайындалды, деп хабарлады клубтың баспасөз қызметі.

Талғат Өміржанұлы Такиев - Ұлыбританиядағы Imperial College London университетінің магистрі. Маманның қаржы, инвестиция тарту және бизнес-процестерді басқару саласында мол тәжірибесі бар.

Англияда, Швейцарияда және АҚШ-та "ALTA Partners London", "Phanar Asset Management" және "New York Bay Capital" сияқты компанияларда табысты еңбек етіп, тәжірибе жинақтады. Талғат Такиев - футболдың үлкен жанкүйері және бұл ынтымақтастық алматылық клуб үшін көп пайда әкелуі мүмкін.