«Қайрат» пен «Атыраудың» Чемпиондар лигасындағы қарсыластары анықталды

«Қайрат» пен «Атырау» футзал клубтарының Чемпиондар лигасының топтық кезеңдегі қарсыластары анықталды.

«Атырау» Чемпиондар лигасының жеңімпазы «Спортинг Лиссабонмен» бір топта ойнайды. Сондай-ақ бұл топта «Добовец» (Словения) пен «Аньер-Вильнев» (Франция) клубтары бақ сынайды.

Төртінші топтағы Қазақстан чемпионы «Қайраттың» қарсыластары «Тюмень» (Ресей), «Пезаро» (Италия) мен «Пльзень» (Чехия) болады.

Негізгі тур матчтары 26-31 қазан аралығында өтеді: «Атырау» барлық ойындарын Словенияда, ал алматылық клуб Италияда өткізеді. Келесі кезеңге әр топтан 3 клуб шығады