Алматылық "Қайрат" Премьер-лиганың 11-турында Көкшетаулық "Оқжетпеспен" тең ойнады. Талғардағы Ұлттық құраманың базасында өткен матч 3-3 есебісен аяқталды.
Ойындағы алғашқы әрі жылдам голды "Оқжетпес" ойыншысы Пламен Димов соқты. 28-минутта Небойша Косович есепті теңестірді, 38-минутта Абат Айымбетов командасын алға шығарды. Көкшетаулық ұжым 45-минутта таразы басын теңестірді. Гол авторы - Дмитриев. 56-минутта Дмитриев дубль авторы атанды. Ал Вагнер Лав 72-минутта гол соғып, командасына бір ұпай сыйлады.
Чемпионаттағы алғашқы тең ойынын өткізген "Қайрат" 25 ұпаймен көш басында қала береді. "Оқжетпес" 6 ұпаймен 10-орынға тұрақтады.
