Алматылық "Қайрат" Премьер-лиганың 8-тур ойынында "Қайсардан" басым түсті.
Матч Алматыдағы Орталық стадионда өтіп, 2-1 есебімен аяқталды.
"Қайсар" шабуылшысы Элгуджа Лобжанидзе 44-минутта командасын алға шығарған еді. Қосалқы құрамнан шыққан "Қайрат" ойыншысы Айбол Әбікен 71-минутта есепті теңестірді. Ал 92-минутта Адеринсола Эсеола гол соғып, жеңісті жұлып әкетті.
Бұл жеңістен кейін "Қайрат" көш бастауын жалғастыра бермек. Команда еншісінде 21 ұпай бар. Ал Қызылордалық команда 13 ұпаймен төртінші орында қала береді.