Н'Голо Канте даңқтан айырылды деп айтуға болмайды. Жоқ, футболға қызығушылық танытқандардың бәрі мұны жоққа шығару үшін кем дегенде 2018 жылғы Әлем чемпионатының үш-төрт матчын көрсе жеткілікті. Әрине, бұл Поль Погба мен Антуан Гризманн секілді емес - Кантенің гол соққанда ерекше билейтін әдеті жоқ немесе танымал ойыны жоқ - бірақ сіз бұл бойы қысқа күлімсіреген жігіттің кім екенін нақты білесіз. Подкат қоюдың қас шебері, допты керемет алып қояды, ойынды оқи алады. Тек бұл ғана емес.
Канте сонымен қатар өте қарапайым жігіт. «Лестер» президенті барлық ойыншыларға 2016 жылы алған чемпиондық атақтың құрметіне "BMW" көлігінің спорттық үлгілерін сыйға тартқанда, ол көлікті алмай, өзінің бұрынғы "Mini" мәшінесін мінуді жалғастырған болатын. «Бұл өте ыңғайлы машина, мен оған бұрыннан үйреніп қалғанмын», - деп түсіндірді Н'Голо.
Премьер-Лиганың ең агрессивті ойыншыларының бірі осы кішкентай машинада жүреді, бірақ бәрі оның ойын мәнеріне таңқалатын еді. Тіпті оның алаңдағы рөлі физикалық тұрғыдан сәйкес келмейді. Бойы 169 см, салмағы 68 кг - допты қалай керемет тартып алады? Кішкентай және күлімсірейтін ол өз функцияларын алаңда сәтті орындайтын қатал жігіттің бейнесінен алшақ көрінеді. Мұның сыры - ойын оқу мен керемет секіріс. Егер сіз доп екі секундта қайда болатынын білсеңіз және жылдам болатын болсаңыз, қарсыласпен күреске түсудің ешқандай да қажеті жоқ. Қантенің осы бір ерекше қасиеті туралы көптеген әзілдер де айтылды (ол тіпті астероидты ұстап алады). Немесе ол туралы ең жақсы әзіл әлі күнге дейін айтылып жүр: Жердің 70% -ы сумен жабылған, ал Н'голо Канте қалған 30% -ын жабады. Бұл әзіл оның жұмыс істеу қабілеттілігін және оның алаңдағы бүкіл серіктестерін сақтандыру қабілеттілігін дәл көрсетеді.
Бірақ біз қарапайымдылық туралы сөйлестік. Ішінара, бұл балалық шаққа да байланысты. Канте көп балалы отбасында өсті, сегіз ұл және бір қыз. Ақша жетпеді, футболға деген таланты өте кеш көрінді. Сегіз жасында Н'Голо Париждің маңындағы кішкентай "Сюрен" командасына қосылды, 10 жылдан кейін ол әлі де сол жерде ойнады. Ірі академиялар кішкентай бойына және техникасының жетіспеуіне байланысты жасөспірімді алмай қойған болатын. Айтпақшы, Канте сол кездің өзінде-ақ ұялшақ еді.
Футболмен қатар ол есепші мамандығын оқып жүрді, өйткені ол футболдан табатын ақша күнкөріске жетпейтінін түсінді. Содан кейін ол "Булонның" екінші командасына шақырту алып, екі жылдан кейін ол команданың негізгі құрам ойыншысына айналды. Ол кезде команда үшінші дивизионда ойнайтын еді. Сонымен қатар бухгалтерлік есеп бойынша бакалавр дәрежесін алып, одан кейін де ол тағы екі жыл білімін жетілдірді. «Содан кейін мен кәсіби футболшы болып, оқуды тоқтаттым. Мен сол кезде үйренгендерімнің бәрі әлі есімде, бірақ мен футбол туралы ойлағанды жөн көремін», - дейді Канте.
Франция чемпионатының дебютанты атанған «Кан» командасында ойнап жүргенде оны «Лестер» скауттары тауып алды және оқиғаның жалғасын бәрі біледі. Әуесқойлар лигасындағы (бесінші дивизион) «Булонның» екінші командасынан Англия чемпионы атағына дейінгі жол бес жылға созылды. Әлемдік атаққа дейін - жеті жыл. Бірақ бұл жеті жылда ол мүлдем өзгермеген сияқты. Міне, керемет!
"Лужникиде" Гризманн, Погба және басқалары әлем кубогын қолдарына алып, алаңды үш рет айналған кезде, фотографтар қайта-қайта суретке түсірді, кубокты басқа ойыншыларға берді, қайтадан алды, қайта берді. Осылайша франциялық ойыншылар одан әрі тойлауын жалғастыра берді. Бірақ алтын кубокпен суретке түспеген бір футболшы бар еді. Н'Голо Канте Әлем Кубогымен суретке түсуге ұялды. Сенесіз бе, сол әлем чемпионатында Франция құрамасындағы ең үздік ойын көрсеткен ойыншы суретке түсуге қымсынды?! Ол күліп, бөлек тұрды, ал басқалары секіріп, айғайлап жатты. Ал жалпы командалық суреттерде ол әрдайым шетінде тұратын.
Сол сәтте Н'Зонзи Кантеге барып, оны топтан шығарып алды да, оған кубокты табыстап, фотографтарға апарды. Сонымен, мына фотосурет пайда болды.
Содан кейін команда қонақ үйге кетті. Автобуста барлығы ән айта бастады. Канте туралы ән де айтылды: «Ол кішкентай, сүйкімді, бірақ ол Лео Мессиді тоқтатты!» Н'Голоға бұл қалай әсер етті? Әрине, ұялды. Тоқтатуды өтінді. Қараңыз, бұл өте керемет!
Қонақ үйде ойыншылар ән айтуды жалғастырды. Тоқтатуды сұрағаннан еш пайда болмады: жиналған қауым әнді бұрынғыша айта берді. Канте бұған лайық. Ол әлем біріншілігін өте керемет өткізді, бірақ оны финалда сәтсіз ойнады деген адамдар да болды (ағылшындық БАҚ-тың айтуы бойынша, ол асқазаны ауырғандықтан финалда ойнауға дайын болмады).
Қалай болғанда да, финал - бұл тек бір матч, ал Канте финалдық матчта өнер көрсетті. Келесі күні таңертең Франция құрамасы президенттің қабылдауына Елисей сарайына келді. Ол жерде де Канте туралы ән айтылды. Погба бастаған еді, оған барлық ойыншылар, тіпті Дешамның өзі де қосыла кетті. Н'Голо ұялшақ еді, бірақ сол сәтте оған үйреніп қалған сияқты болды. Сөздің шыны керек, Елисей сарайында адамдар сіздің құрметіңізге ән айтып жатса, бұл сізге сенімділік қосатыны айтпаса да түсінікті.
