Қазақстан қыздар құрамасы Еуропа чемпионатының іріктеу кезеңі аясында Сербиямен кездесті. Сербияда өткен ойын 4:1 есебімен алаң иелерінің жеңісімен аяқталды.
Қазақстан құрамасы алғаш болып есеп ашты. 32-минутта Бегайым Қырғызбаева гол соғып, командасын алға шығарған еді. Алайда екінші таймда Сербия ойыншылары 4 гол соғып, үш ұпайға ие болды.
Сербия құрамасының осы матчтағы алғашқы голын Мильяна Иванович 60-минутта соқты. 72-минутта Тияна Филипович командасын алға шығарды. Ал ойынның аяқталуына санаулы минуттар қалғанда Невена Дамьянович есеп айырмасын ұлғайтты. Қосымша минутта Мина Чавич қақпамызға төртінші голды салып, матчтың нүктесін қойды.
Біздің серіктес: FONBET
