Футзалдан Қазақстан ұлттық құрамасы Еуро-2022 турниріне іріктеу кезеңінде қатарынан үшінші жеңісіне қол жеткізді. Кака шәкірттері Минск қаласында Беларусь құрамасымен ойнап, 6:1 есебімен басым түсті.
Қазақстан құрамасы сапында Дәурен Нұрғожин (7'), Дәурен Тұрсағұлов (17', 36'), Тайнан (22'), Дуглас Жуниор (28'), Лео (32') мергендігімен көзге түсті.
Еске сала кетейік, 5-топтағы алғашқы екі кездесуде Қазақстан Венгрия мен Беларусь құрамаларын жеңген болатын. Іріктеу кезеңі аяқталғанға дейін Қазақстан құрамасы тағы үш кездесу өткізеді - 6 сәуірде Венгриямен (сырт алаңда), 9 және 13 сәуірде Израильмен ойнайды (екі матч та Қазақстанда өтеді).
Қазақстан құрамасы 3 ойында 9 ұпай жинап, өз тобында жеке-дара көш бастады
