25 жасар қазақстандық қақпашы Азамат Жомартовқа Арменияның жоғарғы лигасында өнер көрсететін команда қызығушылық танытуда.
Сондай-ақ, Қырғызстан чемпионатынан да ұсыныс түскен. Бірақ, қазіргі елдегі жағдайға байланысты футболшы Aрменияға аттана алмай отыр.
Азамат - "Атырау" мектебінің түлегі. Осы маусымды қырғызстандық «Қағанат» командасында бастап, дебюттік ойынында қақпасын құрғақ ұстап, ойынның үздік ойыншысы атанған болатын.
Естеріңізге сала кетейік, осы маусымнан бастап Арменияда қазақстандық ойыншылар легионер болып саналмайды.