Қазақстан футбол федерациясының комитет отырысында «Қайсар», «Тобыл» және «Жетісу» футбол клубтарының өтініштері қаралды.
Жиын қорытындысы бойынша төмендегідей шешімдер қабылданды:
«Қайсар» (Қызылорда) ФК өтініші бойынша:
ҚФФ Тәртіптік ережелерінің 116-бабына және 31-бабына сәйкес, Тәртіптік-бақылау комитетінің 2020 жылғы 6 қазандағы шешімі өзгертілді.
- «Қайсар» ФК ойыншысы Асхат Тағыбергенді 2 матчқа ойыннан шеттетіп, 3 матчты сынақ мерзімінде 3 айға белгілеу. Жазаны қолдану мерзімі 2020 жылдың 29 қыркүйегінен бастап күшіне енді.
«Тобыл» (Қостанай) ФК өтініші бойынша:
- «Тобыл» ФК ойыншысы Сенин Себайды 2 матчқа ойыннан шеттетіп, 3 матчты сынақ мерзімінде 3 айға белгілеу. Жазаны қолдану мерзімі 2020 жылдың 12 қазанынан бастап күшіне енді.
«Жетісу» (Талдықорған) ФК өтініші бойынша:
- «Жетісу» ФК ойыншысы Олжас Керімжановты 2 матчқа ойыннан шеттетіп, 3 матчты сынақ мерзімінде 3 айға белгілеу. Жазаны қолдану мерзімі 2020 жылдың 12 қазанынан бастап күшіне енді.
