«Баварияның» бас бапкері Ханс-Дитер Флик Чемпиондар лигасының финалында «Пари Сен-Жерменге» қарсы болатын матч туралы пікірімен бөлісті.
«Біз ең жақсы ойынымызды көрсетуге және ең жақсы футбол ойнауға тырысамыз. Егер біз мұны істей алсақ, егер бәріміз нәтижеге жүз пайыз назар аударатын болсақ, онда біз жеңе аламыз.
"ПСЖ" Чемпиондар лигасында бес гол ғана жіберіп алды, бұл турнирдегі ең аз көрсеткіш. Бұл олардың шабуылмен қатар қорғаныс шебінің де жұмыс істейтінін білдіреді. Біздің ойын жоспарымыз бар, және біз оны орындай аламыз деп үміттенемін», - деді Флик УЕФА-ның ресми сайтына берген сұхбатында.
"Пари Сен-Жерменнің" бас бапкері Томас Тухель Чемпиондар лигасының финалында «Бавария» клубына қарсы ойын алдындағы эмоцияларымен бөлісті.
«Қазіргі уақытта «Бавария» бабында тұр. Мұның басты себебі - жүлде жеңіп алғысы келетін жас ойыншылар мен тәжірибелі турнир қатысушыларының тәжірибесі.
Кейлор Наваспен Чемпиондар лигасының жеңімпазы ретінде көп сөйлесемін, сонымен қатар бұл атақтарды жеңіп алған Анхель Ди Мария мен Неймар да бар. "Баварияның" сәл ғана артықшылығы бар - олар финалға қатысып үйренген. Алайда, бұл матчтың тағдырына әсер етеді деп ойламаймын», - деді Тухель
Чемпиондар лигасының "ПСЖ" - "Бавария" арасындағы финалдық ойын бүгін, 23 тамызда өтеді. Басталуы Нұр-Сұлтан уақытымен 01:00-де. Кездесу "Эстадио да Луш" стадионында өтеді (Лиссабон, Португалия).
