Қазақстан ұлттық құрамасының жартылай қорғаушысы Исламбек Қуат ойнап жүрген "Оренбургтың" бас бапкері Константин Парамонов команданың Ресей премьер лигасынан (РПЛ) кетпеуі туралы ұсыныс жасады. Бұл туралы «Спорт-Экспресс» хабарлайды.
Маман лиганы 16-дан 18 клубқа дейін кеңейтуді ұсынды, соның арқасында оның командасы элиталық дивизиондағы орнын сақтай алады. Парамоновтың айтуынша, маусымның соңында "Оренбург" клубы Премьер-Лигада қалу үшін күресуіне коронавирустық пандемия кедергі болған. Лиганың кеңеюіне байланысты жаттықтырушы чемпионат аяқталғаннан кейін екі команда емес, төрт команда төменгі дивизионға ұшып кететінін де баса айтты.
29-турдың матчында «Зениттен» ұтылғаннан кейін «Оренбург» РПЛ-да қалу мүмкіндігін жоғалтты. Қуаттың командасы 24 ұпайға ие болды және соңғы орында қалып қойды. "Оренбург" командасында коронавирустың пайда болуына байланысты сәйкесінше 24 және 25-турларда "Краснодар" мен "Уралға" қарсы кездесулерді өткізіп алуға мәжбүр болды. Осы матчтарда командаға техникалық жеңілістер тіркелді.
27 жастағы Қуат 1 қаңтарда "Оренбургқа" ауысып, үш қана матчта ойнады - «Крылья Советов» (1:1), «Арсенал» (1:0) және «Спартакқа» қарсы (1:3). Бұған дейін қазақстандық ойыншы клубтан кетіп, басқа РПЛ командасына ауысуы мүмкін екендігі айтылған болатын
Біздің серіктес: FONBET
