Rakuten TV стримингтік компаниясы Испания мен "Барселонаның" бұрынғы жартылай қорғаушысы Андрес Иньеста жайлы деректі фильмінің үзіндісін жариялады. Қазір футболшы Жапонияның "Виссел Кобе" командасында ойнайды.
Сериал "Андрес Иньеста - күтпеген қаһарман" атауымен көрерменге жол тартады. Туынды осы көктемде Rakuten-нің Еуропа, Азия мен Америкадағы барлық сервисінде қолжетімді болмақ.
Фильмде ойыншының жеке өмірі мен карьерасындағы айтулы кезеңдер көрсетіледі. Сонымен қатар, əр бөлімде Месси, Хави, Неймар, Луис Суарес, Петр Чех пен Пеп Гвардиоланың сұхбаттары да болады. Сондай-ақ, картинада Андрестің өмірбаянында əлі еш жерде жарыққа шықпаған Ла Масия, "Барселона", Испания құрамасы, Жапониядағы жайттар айтылады.
Шамкен БАЙЫРБЕК.
Біздің серіктес: FONBET
