Испания чемпионатының 7-турында "Барселона" өз алаңында Мадридтің "Реалын" қабылдаған болатын. Кездесу "Камп Ноу" стадионында өтіп, 3:1 есебімен Корольдік клубтың жеңісімен аяқталды.
Есеп кездесудің бесінші минутында ашылды. Бенземаның пасын қажетіне жарата білген Вальверде бұл голды өз еншісіне жазды. "Барселона" үш минуттан кейін есепті теңестірді. Ансу Фати көзге түсіп, "Эль-Классикода" гол соққан ең жас ойыншы атанды.
Екінші таймда Зинедин Зиданның шәкірттері алға шықты. "Барселонаның" қақпасына Лангленің қателігі үшін пенальти белгіленді, оны 63-минутта Рамос сәтті орындады. Матчтың нүктесін Лука Модрич қойды.
Осылайша, "Реал Мадрид" 13 ұпай жинап, Ла Лига кестесінде бірінші орынға шықты. "Барселона" (7 ұпай) - 10 орында.
Біздің серіктес: FONBET
