«Реал Мадрид» Исконы сатылымға шығарды

Мадридтік "Реалдың" жартылай қорғаушысы Иско сатылымға қойылды, деп хабарлайды El Confidencial.

Клуб басшылығы жартылай қорғаушыны бас бапкер Зинедин Зиданның рұқсатымен сатуға шешім қабылдады. Иско мансабын Англия чемпионатында жалғастыра алатындығы туралы хабарланды. "Эвертон" 28 жастағы испаниялық футболшының қызметіне қызығушылық танытып отыр. Искомен "Реалда" екі жыл жұмыс істеген "Эвертонның" бас бапкері Карло Анчелотти трансферді 2021 жылдың қаңтарында аяқтайды деп күтілуде.

Иско "Реал Мадридте" 2013 жылдан бері өнер көрсетіп келеді, оған дейін ол "Малага" мен "Валенсияда" ойнаған. Футболшы "Реал" сапында 16 кубок жеңіп алды, оның ішінде екі рет Испания чемпионы, бір рет ел кубогының иегері және төрт рет Чемпиондар лигасының жеңімпазы атанды.