Alonso & Arbeloa
Хаби Алонсо Корольдік клубтың бас бапкері қызметінен кетті. Оның орнына команданың екінші құрамын (B командасын) жаттықтырып келген Альваро Арбелоа тағайындалды, деп хабарлайды Aladop.kz.
Эль-Класикодағы жеңіліс соңғы нүкте болды ма?
Клубтың бұл шешімі Сауд Арабиясында өткен Испания Суперкубогының финалынан кейін бірден қабылданды. Шешуші ойында "Реал Мадрид” "Барселонадан” 3:2 есебімен ұтылып, кубоктан айырылып қалған болатын.
Ресми мәлімдеме
Клуб таратқан мәлімдемеге сүйенсек, тараптар келісімшартты екіжақты келісім бойынша тоқтатқан.
"Хаби Алонсо — "Реал Мадридтің” аңыз ойыншысы әрі клуб құндылықтарының символы. Ол Мадридтіктердің сүйіспеншілігі мен құрметіне әрқашан лайық. "Реал” — оның мәңгілік үйі болып қала бермек.” — делінген ресми хабарламада.
Мадрид басшылығы Алонсо мен оның штабына атқарған жұмыстары үшін алғыс айтып, алдағы бастамаларына сәттілік тіледі.
Жаңа дәуір: Арбелоа келеді
Команда тізгінін ұстаған Альваро Арбелоа да Алонсо секілді клубтың бұрынғы ойыншысы. Енді ол Мадридтік жанкүйерлердің үмітін ақтап, команданы дағдарыстан алып шығуға тырысады.
