"Реал Мадрид" Испания кубогының финалына қосымша уақыттағы драмалық ойыннан кейін жолдама алды. Олар "Реал Сосьедадпен" 4:4 есебімен тең түсіп, екі ойын қорытындысы бойынша 5:4 есебімен жеңіске жетті. Бұл тартысты матчтың шешуші сәтін 115-минутта Антонио Рюдигер жасаған баспен соғылған гол анықтады. Енді "Реал Мадрид" финалда "Барселона" немесе "Атлетико Мадридпен" кездеседі.
Алғашқы ойында 1:0 есебімен жеңілген "Реал Сосьедад” бұл жолы Андер Барренечеа соққан голмен есепті бірінші болып ашты. Бірақ "Мадридтік” клубтың жас шабуылшысы Эндрик керемет бір гол соғып, жағдайды теңестірді.
Одан кейін Давид Алаба өз қақпасына гол соғып қойды, ал Микель Оярсабальдың соққысы қорғаушыдан рикошет алып, "Реал Сосьедадқа” басымдық берді. Дегенмен, "Реал Мадрид" камбэк жасап, есепті 3:3-ке жеткізді. Гол авторлары Джуд Беллингем және Орельен Тчуамени.
Алайда "Реал Сосьедад” 93 минутта тағы бір шабуыл жасап, Оярсабаль ойындағы екінші голын соғып, матчды қосымша уақытқа жеткізді. Бірақ 115-минутта Арда Гүлердің бұрыштамасынан асқан шеберлікпен баспен соғылған Антонио Рюдигердің голы "Мадридтіктерге" жеңіс сыйлады.
Енді "Реал Мадрид" финалда 26 сәуір күні "Барселона" мен "Атлетико Мадрид" арасындағы жеңімпазбен кездеседі.
Өнер Айболат
Біздің серіктес: FONBET
