Испанияның даңқты клубы "Реал" Мадрид Неймарды сатып алмайтын болды. Бұл жайында журналис Пако Гонсалес мәлімдеді. Оның айтуынша Неймармен келіссөздер жүргізіліп, Флорентино Перес оны жазда сатып алғысы келіпті. Бірақ, клубтың жанкүйерлері қарсы болғандықтан, Неймардың да "Реал" сапына ауысқысы келмей қалыпты. Ал одан кейін ПСЖ қаржылық тәртіпті бұзған соң "Реал" Мбаппеге көз тігіп отыр екен. Бірақ, бұл трансфердің орын алуы неғайбыл. Дегенмен, "Реал" жақын арада бір шабуылшы алуға тырысады.
