Танымал рэпер Снуп Догг Ағылшын Чемпионшипінде өнер көрсететін "Суонси Сити" футбол клубының ресми түрде жаңа инвесторы әрі иелерінің бірі атанды.
"Футболға деген махаббатым бәріне мәлім. Бірақ мен үшін ең маңыздысы — "Суонси Сити” клубының иесі атану. Клубтың тарихы мені қатты әсерге бөледі. Бұл халықтың мақтаныш тұтатын қаласы мен клубы. Құндылығы еленбесе де, ешқашан берілмейді – мен сияқты.” – деді Снуп Догг.
"Суонси Сити” Чемпионшиптің өткен маусымын турнир кестесінің 11-орнында аяқтаған.
Бұған дейін, сәуір айында, Лука Модричтің де “Суонси Ситидің" акционері атанғаны белгілі болған еді.
