Rusfootball.info сайты қазақстандық футболшы Бахтиер Зайнутдиновтың прогрессивті ойынын атап өтті.
"РПЛ-де екі жаттықтырушы бар, олармен жастар айтарлықтай тез дамиды. Біріншісі Қазанда жұмыс істейді, ал оның "Рубині" чемпионаттағы ең жарқын футболдың бірін көрсетеді. Екіншісі - Виктор Гончаренко. ЦСКА-ның бас бапкері "Сантьяго Бернабеудегі" жеңістен кейін тоқтап қалған жоқ. Әр жаңа маусымда Гончаренко резервтен перспективалы ойыншыларды шығарып алып, оны негізгі команда деңгейінде ойнатады. Марадишвилиді мысал ретінде айтсақ болады. Оның ұтқырлығы мен тиімділігі Дзагоевке матчта қорғанысқа бірнеше рет баяу оралуға мүмкіндік берді. Марадишвили қарсыласқа қысым көрсеткен кезде өте пайдалы.
Бірақ Гончаренконың Зайнутдиновпен істеген жұмысы сөзсіз керемет болып табылады. Осы аптада Баханың өнеріне көп адамдар сүйсіне қарады. Волгоградтағы матчтан кейін оның ойынына тамсанған жанкүйерлер қарасы көбейе түсті. Бірінші таймда Зайнутдинов Магнуссонмен бірге 100 пайыз қарсыластарына доп бермеді. "Локомотивті" қорқытқан Фламарионды ("Ротор" ФК ойыншысы) ЦСКА-ның сол жақ қорғаушысы толығымен жеп қойды. "Ротор" футболшысы 45 минуттың ішінде тек 77 пайыз дәл пас пен бір қиыс соққы жасады. Шабуылдың бұл қанаты волгоградтық команда үшін пайда әкелмеді. Бұл Зайнутдиновтың еңбегі. Ол бір рет қана өзін Кожемякиннің алдап өтуіне жол берді, бірақ Магнуссон оны сақтандырды.
Зайнутдинов - ЦСКА-ның жаздағы үздік трансфері. Еджуке пас беруді үйреніп жатқанда, Фукс емделіп жатыр, Гаич шашының түсі мен нәтиже арасындағы байланысты іздейді, ал Зайнутдинов чемпионаттың басты жаңалығына айналды. Енді Шенниковтың жарақатына байланысты Гончаренкоға сол қанатта ойнайтын қорғаушыны таңдау үшін барлық ойын сызбаларын қайта жасаудың қажеті жоқ", - делінген мәтінде.
Біздің серіктес: FONBET
