"Манчестер Сити" ресми сайтында "Бенфиканың" қорғаушысы Рубен Диаштың трансфері туралы хабарлады.
23 жастағы футболшының ағылшын клубымен келісімшарты 2026 жылдың жазына дейін жасалған. "Бенфика" "Манчестер Ситимен" португалиялық футболшыны 68 миллион еуроға және бонус ретінде қосымша 3,6 миллион еуроға сату туралы келісімге келген.
Рубен Диаш - "Бенфиканың" тәрбиеленушісі екенін еске саламыз. Қорғаушы негізгі құрамда 2017 жылдан бастап ойнай бастады. Өткен маусымда Рубен Диаш барлық турнирлерде 49 матч өткізіп, үш гол соқты және үш нәтижелі пас берді, сонымен бірге 12 сары қағаз алды. Оның қатысуымен өткен 20 кездесуде "Бенфика" гол жібермеді.
Қарама-қарсы бағытта "Бенфика" клубына "қала тұрғындары" үшін бес жыл ойнаған 32 жастағы Николас Отаменди кетті. Осы кезеңде ол "Сити" сапында 210 кездесуде 11 гол соқты. Николас "Манчестер Ситимен" бірге екі рет Премьер-Лиганы, Англия Кубогын және төрт Лига Кубогын жеңіп алды.
Лиссабондық клубта Николас Отаменди "Тоттенхэмнің" бұрынғы ойыншысы Ян Вертонгенмен орталық қорғаныста бірге ойнайтын болады, ол осы жазда "Бенфикаға" еркін агент ретінде ауысқан еді.
Біздің серіктес: FONBET
