Латвиялық Sportacentrs басылымы Конференция лигасының жалпы кезеңі аясында өтетін «Рига» мен «Қайрат» арасындағы матч алдында алматылық клубқа талдау жасады, деп хабарлайды Aladop.kz.
Латвиялық команда үшін ойынның өз алаңында өтуі жақсы жаңалық деп бағаланды, себебі оларға Қазақстанға дейінгі ұзақ жолға уақыт шығындаудың қажеті жоқ.
Басылым «Қайраттың» қатарынан екінші жыл Eурокубоктардың негізгі кезеңінде ойнайтынын атап өтті. Өткен маусымда Aлматылықтар Чемпиондар лигасының топтық кезеңіне шыққан болатын.
Чемпиондар лигасында клубқа оңай болған жоқ: сегіз матчтың жетеуінде жеңіліп, тек кипрлік «Пафоспен» болған ойында (0:0) бір ұпай еншіледі. Дегенмен, «Қайрат» сырт алаңдағы әрбір матчта гол соға алған. Мысалы, Лондондық «Арсенал» мен «Копенгагенге» қарсы ойындарда 2:3 есебімен есе жіберген.
Латвиялық БАҚ-тың мәліметінше, «Қайраттың» негізін жергілікті футболшылар құрайды. Команданың басты ойыншысы ретінде биылғы чемпионатта 9 гол соққан Португалиялық Жоржиньо аталды, алайда оның ауыр жарақат алып қалғаны да ескерілді.
