Азия Чемпиондар лигасының 1/8 финалында Сауд Арабиясының "Әл-Наср" клубы Түрікменнің "Аркадаг" командасымен кездеседі, деп хабарлайды Aladop.kz.
Бұл дегеніміз — әлемдік жұлдыз Криштиану Роналду алғаш рет Түрікменстанға сапар шегеді деген сөз.
"Аркадаг" — жеңілсті ұмытқан
"Аркадаг” клубының тарихы мен жетістіктері таңғалдырмай қоймайды. Бұл ұжым Түрікменстанның бұрынғы президенті Гурбангулы Бердімұхамедовтің бастамасымен құрылған. Клубтың атауы да кездейсоқ емес: "Аркадаг" — Бердімұхамедовтің ресми титулы, ол "жебеуші", "қорған" деген мағынаны білдіреді.
Клуб туралы қызықты деректер:
• Абсолютті гегемон: Құрылғанына небәрі үш жыл болса да, үш жыл қатарынан ел чемпионы атанды.
• Таңғажайып статистика: Үш маусым бойы ішкі біріншіліктегі барлық матчта жеңіске жеткен. Мысалы, биылғы маусымда 28 ойында 105 гол соғып, небәрі 15 гол жіберген.
• Төрешілер мәселесі: Клуб елдегі ең үздік ойыншыларды жинағанымен, бәсекелестері мен жанкүйерлер төрешілердің артықшылық берілген командаға жиі көмектесетінін айтып шағымданады.
Әлемдік рекорд және Азия аренасы
"Аркадагтың” жеңісті сериясы 40 матчтан асып кеткенімен, ресми әлемдік рекорд ретінде Саудиялық "Әл-Хиляльдің" нәтижесі (34 жеңіс) тіркелген. Түрікмен клубының сериясы тек халықаралық Азия додаларында ғана үзіліп қалып жатады.
Роналду үшін жаңа сынақ
Енді жебеуші титулымен аталатын қалада Криштиану Роналду бастаған жұлдыздар доп тебеді. Бұл ойын тек спорттық жарыс қана емес, Түрікменстан үшін үлкен имидждік жоба болмақ. Арнайы салынған жаңа қаланың атымен аталатын клуб әлемнің ең үздік сұрмергеніне қалай қарсы тұратынын бүкіл Азия тамашаламақ.
