Бүгін, 25 қазанда «Ювентустың» шабуылшысы Криштиану Роналду коронавирустық инфекцияға байланысты сынақтан өтті. Португалиялық футболшының сынақ нәтижесі тағы да оң нәтиже көрсетті, деп хабарлайды Tuttosport.
Дереккөздің хабарлауынша, Роналду өздігінен жаттығуды жалғастыруда. Еске салайық, 13 қазанда Роналдудың коронавирус жұқтырғаны белгілі болған еді. Келесі күні 35 жастағы футболшы Туринге оралып, карантинге кетті. Және Криштиану 14 күннің орнына 10 күнге оқшауланды.
Португалиялық шабуылшы «Ювентусқа» 2018 жылдың жазында «Реалдан» ауысқан. Трансфер сомасы 117 миллион еуроны құрады. Осы маусымда 35 жастағы шабуылшы Италия чемпионатының екі матчына қатысып, үш гол соқты.
Біздің серіктес: FONBET
