РПЛ клубы «Қайраттың» қақпашысына ұсыныс жасаған

Қақпашыға Ресей премьер-лигасы мен еуропалық клубтар тарапынан үлкен қызығушылық бар көрінеді. 

«Менің келісімшартымның уақыты аяқталуға жақын. Жаздың өзінде РПЛ клубтарынан нақты ұсыныстар келіп түскен, бірақ біз агенттігімізбен ақылдасып, маусым соңына дейін қалуды әрі чемпиондыққа таласып көруді ұйғардық. Қазір енді бірқатар келіссөздер жүруде: РПЛ-де бірнеше нұсқа бар және еуропалық клубтардың өзі байланысқа шығып жатыр. Бірақ ешқандай асығыстық жоқ. Чемпиондықты тойлап, үйде біраз тыныққан соң мансабымды қайда жалғастыратынымды шешеміз», -деді «Қайраттың» қақпашысы. 

Вадим Ульянов пен алматылық команданың келісімшарты келесі айдың аяғында аяқталмақ. Қақпашы ҚПЛ-2024-тің он сегіз кездесуінде 15 гол жіберген. Ульянов биыл «Қайратпен» премьер-лигада топ жарды.