Сәтпаевтың болашақ командасының жеңіссіз сериясы жалғасуда

Ойынның алғашқы төрт минутында-ақ "Челсидің” жоспары күл-талқан болды. Алтай Байындырдың алыс пасын Бенжамин Шешко сәл ғана ұстады, ал Брайан Мбему допқа жете сала Роберт Санчестен озып, оның фол жасауына себепкер болды. Санчес қызыл қағаз алып, алаңнан қуылды. Эстеван Уиллиан орнын босатып, жаңа қақпашы Филип Йоргенсен алаңға шықты.

"Юнайтед" қарсыласын қыспаққа алды. 13-минутта Нуссайр Мазрауи арқылы оң қапталдан әдемі әкелген допты Патрик Доргу Бруно Фернандеске асырып берді, капитан гол соғып, "Юнайтед” 1:0 есебімен алға шықты. VAR шешімі бойынша гол таза деп танылды.

Бірінші таймның соңында "Челсидің” жұлдызы Коул Палмер жарақат алып, орнына Андрей Сантос шықты. Осы сәтте Лондондық клуб үш ауысымын ерте пайдаланып қойған еді.

Екінші гол да алаң иелерінің шабуылшыл рухын көрсетті. Мазрауидің тағы бір әуелете асқан добынан кейін Рис Джеймс допты дұрыс шығара алмады, ал Люк Шоу әуе дуэлінде жеңіп, допты алға қарай асырды. Касемиро тамаша баспен соққы жасап, есепті 2:0 етті. Бұл сәтте "Челси” әлсіреген боксшыдай көрінді, әр шабуылдан кейін теңселіп, қателікке ұрынып жатты.

Касемиро бірінші тайм соңында қызыл қағаз алып, алаңдағы ойыншылар саны теңескеннен кейін "Челси" серпін алды. Рис Джеймс бірнеше қауіпті пас берді, бірақ "Юнайтед" қорғанысы мықты тұрды. 80-минутта Чалоба баспен гол соғып, есепті қысқартты – 2:1. Соған қарамастан, "Юнайтед” соңғы минуттарда қорғанысын берік ұстап, жеңісті сақтап қалды.

Ойыннан кейін Рубен Аморим:

"Бұл өте маңызды жеңіс. Біз айып алаңында да, қорғаныста да жақсырақ болуымыз керек еді, бүгін соны жасай алдық.” – деді.

“Челси” барлық турнирлерде үш ойын қатарынан жеңіске жете алмады және бұл олардың биылғы АПЛ маусымындағы алғашқы жеңілісі. Келесі матч Лига кубогында “Линкольн Ситиге” қарсы.

Осылайша, "Юнайтед" өз жанкүйерлерін қуантып, қиын маусымда жаңа үміт сыйлады. Команда ойын деңгейін көтеріп, енді үздік алтылыққа кіруге таласуға дайын екенін дәлелдегендей.