"Тараз" шабуылшысы Самат Сәрсенов Латвияның "Валмиера" командасының ойыншысы атанды. Бұл туралы Латвия ұжымының ресми сайты мәлімдеді.
23 жастағы ойыншы өткен маусымда "Тараз" жейдесінде ҚПЛ-да 13 ойын өткізіп, 1 гол салған. Одан бөлек, "Қайрат" сапындағы ойындарды қоса алғанда біріншілікте 23 ойынға қатысқан. Ал Бірінші лигада 48 ойында 14 гол және 4 нәтижелі пас берген.
Негізі Самат Ресейде дүниеге келіп, футболмен сол елде шұғылдана бастайды. Бастапқыда Новотроицктің "Носта" ұжымында, сосын "Оренбург" құрамында ойнаған.
2017 жылы көктемде Алматы ұжымына ауысқан.
Шамкен БАЙЫРБЕК.
