Самат Смақов
«Елімайдың» бұрынғы жартылай қорғаушысы Еркебұлан Нұрғалиев семейлік команданың бас бапкері болған Самат Смақовты клубтан қалай "қуып" жібергенін ашып айтты.
Бұл туралы футболшы «Добрая Ультра» YouTube-арнасына берген сұхбатында мәәлімдеген еді.
«Бәрі қалай болғанын айтып берейін. 2023-жылы Самат Смақовтың қарамағында жаттығу жасап жүргенде-ақ команда тізгінін Андрей Карпович алады деген сыбыс тарай бастады. Шыны керек, клубты бірде-бір жеңіліссіз ҚПЛ-ға алып шыққан адамды қалай алып тастауға болатынын түсінбедік. Түрлі әңгіме айтылып жүрген соң, Самат Смақовтың тікелей өзінен сұрадым. Ол: «Жоқ, кетпеймін, маған команданы 2024-жылға жасақтауды тапсырды» деп жауап берді. Ал маусым аяқталған соң оны орнынан алып тастай салды. Өз басым таңғалдым. Бұл дұрыс емес қой», - деді Еркебұлан Нұрғалиев.
Самат Смақов семейлік клубты ұзақ жылдық үзілістен кейін ҚПЛ-ге алып шыққан еді. Ал оның семейлік ұжымның бас бапкері қызметінен кетуі біраз дау тудырды. Әйтсе де «Елімай» басшылығы өзінің шешімін Смақовта PRO лицензиясы болмағандықтан ҚПЛ клубын жаттықтыра алмайды деп түсіндірген.
Біздің серіктес: FONBET
