"Ақтөбенің" басқарма төрағасы Санат Шәлекенов соңғы кезде жанкүйерлер тарапынан қатты сынға ұшырап отыр. Себебі оның тұсында клуб өз тарихындағы ең бейберекет кезеңдердің бірін бастан өткеріп жатыр.
"Жазғы маусымда нақты деңгей көтеретін ойыншыларды алу орнына, клуб сапына кездейсоқ футболшылар қосылды. Мысалға, Вячеслав Швырёв бұрынғы клубында негізгі құрамға сирек шығып жүрген ойыншы. Сол сияқты "Сочиден” келген Артур Шушеначев те ұзақ уақыт ойын тәжірибесінен тыс қалды. Мұндай трансферлердің көпшілігі нәтиже бермейтіні анық.
Клубтағы селекциялық жұмыс жүйелі түрде жүргізіліп жатпағандай әсер қалдырады. Ал тарихы бай, амбициясы жоғары "Ақтөбе” үшін бұл – кешірілмес қателік. Жанкүйерлер күткендей, клуб мықты мамандармен, әлеуетті ойыншылармен толықтырылуы тиіс еді. Оның орнына біз Премьер лиганың ортаңқол клубтарына да қажет болмаған футболшылардың жинағын көреміз.
Қазіргі команда баяу, теңгерімсіз және бір-бірімен үйлеспегендей әсер қалдырады. Бұл үшін толық жауапкершілік басшылықтың мойнында.
Бір маусымда үшінші бапкер ауысты: алдымен Игорь Леонов, кейін Вячеслав Левчук, қазір Николай Костов. Бірақ олардың ешқайсысы "Ақтөбе” сияқты клубты жаңа деңгейге шығара алған жоқ. Мұндай тарихы бар командаға тәжірибелі, жоғары жетістіктерге жеткен бапкер қажет.
"Ақтөбенің” жанкүйерлері Қазақстандағы ең адал, ең белсенді деп аталады. Бірақ олардан академия жұмысы, жастарды дамыту, жанкүйерлермен байланыс сияқты маңызды нәрселерді көрмей отырмыз. Оның орнына дүрбелең, қысқа мерзімді шешімдер және нақты стратегияның жоқтығы.
Егер басқармада өзгеріс болмаса, "Ақтөбе” Қазақстан футболының жай ғана қатардағы командасына айналуы мүмкін. Мұндай ойын мен осындай басшылықты "елдегі ең үздік фанаттар” лайық көрмейді."
– Тотальный футбол KZ
