«Ювентус» бас бапкері Маурисио Сарри команданың Чемпиондар лигасынан шығуына қатысты пікір білдірді.
«Өкінішке орай, біз бірінші матчтың нәтижесінде, бірінші матчтың алғашқы жартысындағы ойын үшін жарыстан шығып қалдық. Егер біз үлкен ренішті алып тастасақ, онда мен бүгін командаға өте ризамын, өйткені олар мінез танытып, барын салды. Егер біз ұшып кетпесек, мен бүгін кешке үйге қуанышты көңіл-күйде барар едім. «Ювентус» басшылығымен кездесуден мен не күтемін? Жоғары деңгейдегі басшылар бір матч негізінде шешім қабылдайды деп ойламаймын. Барлық маусымды бағалауы керек. Мен бұл сұрақты намысқа тиетін сұрақ деп санаймын, бірақ маған емес, клуб директорларына қатысты. Менің келісім-шартым бар, мен оны құрметтеймін және ештеңе күтпеймін», - деді Сарри Football Italia басылымына берген сұхбатында.
Еске салайық, Чемпиондар лигасының 1/8 финалының жауапты матчында «Ювентус» «Лионды» жеңді. Кездесу Туриндегі "Альянц-Арена" стадионында өтіп, 2:1 есебімен алаң иелерінің пайдасына аяқталды. Жеңімпаздар қатарында Криштиану Роналду дубль жасады. Мемфис Депай «Лион» сапынан көзге түсті. Алайда бұл жеңіске қарамастан, «Ювентус» қонақтағы гол ережесінің кесірінен Чемпиондар лигасының ширек финалына шыға алмады. Бірінші матчта «Лион» «Ювентусты» 1:0 есебімен жеңген болатын.
