Сергей Малый: «Барлығы өзін көрсетуге асығуда»

14.10.2020 12:54 Ұлттық құрама

Ойын бүгін Нұр-Сұлтан уақытымен 00:45-те басталады.

Сергей Малый: «Барлығы өзін көрсетуге асығуда»

Қазақстан Ұлттық құрамасының қорғаушысы Сергей Малый Беларуссиямен болатын ойынға қатысты пікірін білдірді:

- Ұжым ішінде отбасылық атмосфера орын алуда. Барлығы өзін дәлелдеуге асығуда. Біз жақсы футбол көрсетеміз деген үміттемін. Өте қызықты ойын болады деп ойлаймын.

- Соңғы кездері қазақстандық клубтардың алға жылжуына не себеп болуда?

- Біріншіден, бізге жақсы легионерлер келеді. «Астана», «Қайрат», «Ордабасы», «Тобыл» және басқа командалар алдына тек чемпионатта ғана емес, сонымен қатар еуропалық жарыстарда да табысты өнер көрсету міндеттерін қойды. Инфрақұрылым біртіндеп жақсарып, жастар футболы дамып келеді.

- Премьер-лигада Беларуссияда ойнаған көптеген футболшылар бар. Сіздің командаластарыңыз біздің чемпионат туралы не айтады?

- Олар Беларуссия чемпионаты туралы жақсы пікірде. Мықты турнир, ол жерде ойнау оңай емес. Қазір көптеген беларуссиялық футболшылар Қазақстан чемпионатында ойнап, жаңа нәрсе әкелуде. Шетелге, оның ішінде Беларуссияға өнер көрсетуге баратын қазақтстандық футболшыларға да қатысты. Бұл тәжірибе алмасудың бір түрі.

Қазақстан ұлттық құрамасының қорғаушысы Тимур Досмағамбетов УЕФА Ұлттар лигасының алдағы Беларуссияға қарсы ойыны туралы пікір білдірді:

- Бізді мықты қарсыласқа қарсы қиын кездесу күтіп тұр. Біз бірінші ойынды Алматыда Беларуссияға қарсы өткіздік. Біз жеңуге және кеткен есемізді қайтаруға тырысамыз. Ия, бізде шығын көп, бірақ қазір бұл маңызды емес. Алаңға шыққан кез-келген ойыншы өз елі үшін күресіп, аяғына дейін ойнайды.

«Тобыл» командасының қорғаушысы Сұлтан Әбілғазы Қазақстан ұлттық құрамасына шақырту алғаны туралы айтып берді:

- Ұлттық құрамаға шақырту алғаныма қуаныштымын. Енді ойдағыдай болады деп ойлаймын, бар күшімді салып, жаттығу жасаймын. Бұйырса бәрі жақсы болады. Мақсатым – ұлттық құрамада ойнау, әрі қарай көре жатармыз.

0 пікір