«Шахтер» Қазақстан құрамасының шабуылшысын қатарға қосты

«Шахтeр» клубы Қарағанды футбол мектебінің түлегі Роман Мұртазаевпен келісім-шартқа отырды. 

Мұртазаев өзінің кәсіби мансабын 2012 жылы «Шахтер» сапында бастаған. «Кеншілер» үшін 28 жасар футболшы Премьер-Лигада 66 ойын өткізіп, 9 гол соққан. Сонымен қатар «Ертіс», «Астана», «Тобыл» және ресейлік «Балтика» командаларының намысын қорғады. 

Роман Қазақстанның үш дүркін чемпионы, онымен қоса чемпионаттың күміс және қола жүлдегері атанды. Ел кубогін ұтып, Суперкубокті 2 мәрте иеленді. 

«Шахтер» құрамында Роман Мұртазаев 7 нөмірмен өнер көрсетеді.