Шотландиялық басылым Ғалымжан Кенжебектің әлеуетіне жоғары баға берді

Басылымның мәліметінше, Кенжебек – жылдамдығы, ойын стилі және шабуылдағы шешуші сәттерге ықпал ету қабілетімен көзге түсетін футболшы.

Мақалада Кенжебек "өте жылдам, және гол соғуға бейім ойыншы” деп сипатталады. Оның максималды жылдамдығы – 21,6 миль/сағ (шамамен 34,7 км/сағ). Бұл деңгейдегі жылдамдық ҚПЛ үшін өте жоғары көрсеткіш саналады.

Ғалымжан Кенжебектің тиімділік көрсеткіштері ерекше назар аударарлық:

• xG/A – 0,99 (90 минутқа)
• G/A – 0,92 (90 минутқа)

Бұл — бір маусым ішінде Қазақстан Премьер лигасы үшін сирек кездесетін, өте жоғары көрсеткіш.

Кенжебектің ойын стилін сипаттайтын негізгі статистика:

• 11,5 дриблинг – шабуылда қарсыласын жиі алдап өтетінін көрсетеді
• 5,9 прогрессиялық алып шығу – допты алға жылжытып, шабуылды дамытатын негізгі ойыншылардың бірі екенін дәлелдейді
• 20,3 шабуылдық дуэль (90 минутта) – қорғаушылармен белсенді күреседі және ойынға үнемі араласып отыратынын көрсетеді.

Бұл деректер жас футболшының допты қабылдаған сәтте бірден шабуылды жылдамдатуға талпынатынын және қарсылас қорғаушыларға қысым жасайтынын дәлелдейді.

Қорытындыласақ The Rangers Journal сарапшыларының пікірінше, Ғалымжан Кенжебек:

• жылдам,
• шабуылда шешім қабылдауы өткір,
• дриблингте үздік,
• статистикасы Еуропалық скауттардың назарын аударуға жеткілікті деңгейде.