“Сочи” командасының футболшылары “Ахматқа” қарсы матч алдында басшылық тараптан қысым көрді

Ресей Премьер-лигасының 13-турында “Сочи” командасы 4:2 есебімен грозныйлық “Ахматты” күтпеген жерден жеңді. Аталған кездесу алдында жеңімпаз ұжымның басшысы футболшыларды бір қорқытып алыпты. 

• Егерде бүгін Грозныйда жеңіске жетпесеңдер, онда келесі сырт алаңдағы ойынға шағын автобуспен барасыңдар, - депті “Сочи” командасының атқарушы директоры Сергей Новиков.  

Осылайша, жеңіске жеткен “Сочи” ойыншылары “Оренбургке” ұшақпен баратын болды. Егерде клуб жеңіліс тапқанда, 2200 шақырымды шағын автобуспен жүріп өтетін еді. 

Айтпақшы, Максим Самородов командасынан басым түскен “Сочи” РПЛ ұшу аймағынан бір саты жоғарылады. Команда атқарушы директорының талабы болмағанда, арыстандардың жүйелі ойынын көрер ме едік. Автобуспен жүргісі келмеген клуб үшін бұл қосымша мотивация болғандай.