Ақтаулық "Каспийдің" бас бапкері Срджан Благоевич "Астанамен" болған ойын (2:2) туралы пікір білдірді:
- Екі команданың орындауындағы керемет футбол мен тамаша атмосфера. Ойын қызықты өту үшін барлығы өз үлестерін қосты: екі команданың ойыншылары, төрешілер және көрермендер. Бұл керемет шоу жанкүйерлерімізге ұнады деп үміттенемін. Осындай қобалжуды сезінбегенімізге бірашама уақыт болды.
"Астана" - сапалы ойыншылары мен мықты бапкері бар өте күшті команда. Чемпионат бойы айқын фаворит болып табылады. Сондықтан да, бірінші таймда оларға тым қатты құрметпен қараған болармыз. Бірінші таймда да жақсы ойнадық, бірақ менің ойымша, қарсыласқа айтарлықтай жеңіл голдар сыйладық. Екінші таймда ойыншыларымның істегені мен алаңда көрсеткен өнерін мақтан тұтамын. Бәрінің қолынан келе бермейтін нәтижеге қол жеткізгендері үшін құттықтаймын және алғыс айтамын. Дұрыс жолда екенімізді және жасағанымыздың бәрі кездейсоқ емес екенін көрсеттік. Жолдың жартысын ғана жүріп өткенімізді және алда әлі де үлкен жұмыс күтіп тұрғанын түсінеміз. Бірнеше күн тығыз кестеден және бір-бірімізден демаламыз, содан кейін үлкен мақсаттар жолында бар күш-жігермен жұмыс жасауды жалғастырамыз.
Біздің серіктес: FONBET
