“Шахтердің” Қазақстан чемпионатындағы “Ақтөбеге” қарсы 12-тур кездесуі Айдос Тәттібаев үшін кеншілер сапында 150 матч болып есептелінді, деп жазады Kazfootballkz.
34 жастағы Айдос Тәттібаев “Шахтер” сапында Қазақстан Премьер-лигасы аясындағы алғашқы ойынын 2010 жылдың 10 сәуірінде талдықорғандық “Жетісуге” қарсы өткізді. Жер жанаты аталып кеткен мекендегі кездесуде шабуылшы алаңға Никита Бульдиновты алмастырып кірді. Аталған ойын сол сәтте 0:0 есебімен аяқталды. Содан бүгінге дейін Айдос ішкі чемпионатта 150 ойын өткізіп, 25 голдың авторы атанды.
“Шахтердің” қазіргі ойыншылары арасында ішкі біріншілікте ең көп ойын өткізгендер:
1. Айдос Тәттібаев — 150 матч;
2. Роджер Каньяс — 114;
3. Абылайхан Назымханов — 65;
4. Богдан Савкив — 38;
5. Ескендір Қыбырай — 26;
6. Егор Цуприков — 24.
