Талғат Байсуфинов: «ЦСКА бізге Зайнутдиновтің жарақаты туралы хабарламады»

27.03.2021 18:21 Ұлттық құрама

Талғат Маруаұлы ертеңгі матч туралы пікірімен бөлісті.

Талғат Байсуфинов: «ЦСКА бізге Зайнутдиновтің жарақаты туралы хабарламады»

Қазақстан ұлттық құрамасының бас бапкері Талғат Байсуфинов Францияға қарсы матч алдындағы баспасөз мәслихатында журналистердің сұрақтарына жауап берді.

- Талғат Маруаұлы, ертеңгі кездесу туралы не ойлайсыз?

- Біз жақсы дайындалып жатырмыз, ертең матч біздің қаншалықты дайын екенімізді көрсетеді. Әлем чемпиондарына қарсы ойын жігіттерге тәжірибе болады. Біз жақсы ойын көрсетіп, футболдан ләззат алғымыз келеді.

- Виктор Гончаренко Зайнутдиновті ЦСКА-да қорғаныстың сол қапталында пайдаланды. Сіз ертең Бахтиерді қай позицияда қолданғыңыз келеді?

- Зайнутдинов бізге жарақатпен келді, ЦСКА бізге бұл туралы хабарламады. Біз ұлттық құраманың жаттығуы кезінде оның физикалық жағдайына зерттеу жүргіздік, ультрадыбыстық сканерлеу мен рентгенография жасадық - оның ескі жарақаты қайта сыр берді. Кеше оған бір күн демалыс бердік. Таңертең сөйлестік, ол ойынға қатыса алмайды.

- «Тобылдың» орталық алаңында үш қазақстандық футболшы өнер көрсетеді - Нұрғалиев, Мужиков және Тағыберген. Олар ертең негізгі қүрамда шыға ма?

- Құрам туралы айта алмаймын - шешім ертең ғана қабылданады. Біз тек «Тобылдың» емес, әр түрлі ҚПЛ командаларында ойнайтын жігіттердің қарым-қабілеттерін білеміз.

- Украина құрамасының бас бапкері Андрей Шевченко бірнеше күн бұрын Францияға қарсы ойында қорғаныс футболын көрсетті және бұл оларға сәттілік әкелді. Біз қалай ойнаймыз?

- Мен қазір барлық құпияны аша алмаймын. Біздің әңгімемізді француз тіліне аударып жатыр ғой (күліп). Бір нәрсені анық айта аламын - біз үйде ойнаймыз, демек, біз әдемі футбол көрсетуге тырысамыз. Шабуыл жасауды да ұмыт қалдырмаймыз.

- Сіз бұл жиынға көптеген дебютанттарды шақырдыңыз. Жігіттерге ертең мүмкіндік бересіз бе?

- Біз бәрінен мықты шыққан жігіттерді шақырдық. Ертең үлкен матчтың атмосферасын сезіну үшін бір-екі жас жігіт алмасып шығуы мүмкін.

- Неліктен бұл кездесуге дайындық Нұр-Сұлтандағы Футбол үйінде өтті?

- Бұл біздің, жалпы жаттықтырушылар құрамының ортақ шешімі. Онда да, «Астана-Аренада» да жасанды төсеніш, бұл басты себеп емес. Біз стадионда бірнеше жаттығулар өткіздік - бұл бізге жеткілікті болады деп ойлаймын.

- Ертең команда капитаны кім болады?

- Мен жігіттерге капитанның кім болатынын әлі айтқан жоқпын. Біз бүгін-ертең шешім қабылдайтын боламыз. Бұл туралы ойыншылар бірінші болып білсе дұрыс болады (жымиды).

- Қай француз ойыншысы сізге ерекше әсер қалдырды?

- Біз әлем чемпиондарымен ойнаймыз, сондықтан олардың біреуін бөліп көрсету дұрыс емес. Ұлттық құрамада жеке қабілеті мықты ойыншылар көп, бірақ Франция командалық ойын көрсетеді.

- Франция жасанды алаңда ойнауға дағдыланбаған. Бұл Қазақстан үшін артықшылық бола ма?

- Менің ойымша, чемпиондар кез-келген жерде ойнауы керек. Тағы да қайталаймын, біз тыңғылықты дайындалып жатырмыз және жақсы ойын көрсетуге ниеттіміз.

5 пікір

  1. Ерке Есмахан

    Ерке Есмахан

    29.03.2021 22:00

    Давай сендерге болеет етем Кайрат

  2. Тұқа

    Тұқа

    28.03.2021 17:40

    Құласаң нардан құла дейді.Қарсылас ӘЧ.

  3. Тұқа

    Тұқа

    28.03.2021 17:39

    Аллаға тәуекел ірі ұтылмаса екен.Сәттілік.

  4. Зайнутдинов Бахтёр

    Кет нах

  5. Барселона Барселона

    Реал Мадрид Ливерпульден өтсе құлағымды кесем