Аустрия - Қазақстан кездесуі
Қазақстандық маман Алмас Құлшынбаев құраманың Ұлттар Лигасындағы жағдайына баға беріп, мүмкіндіктері жайлы айтты.
«Қазақстанға ақырындап құрамын жаңарту керек. Қазір осымен Станислав Черчесов айналысуда. Жаңа футболшыларды алып, оларды мықты қарсыластарға қарсы кездесулерде тексеріп көру керек. Ұлттар Лигасы – әлем біріншілігіне дайындық кезеңі саналады. Сондықтан, жаңа ойын жүйелерін сынап, қорғаныс пен шабуылдағы қимыл-қозғалысты шыңдап көру қажет. Мүмкін, қосалқы құрамды шығарып көру керек шығар. Өйткені, Қазақстанның бұл топта қазірдің өзінде бұдан басқа мүмкіндіктері қалған жоқ», - деді А. Құлшынбаев.
Бүгін ұлттық команда Аустрияны қабылдайды. Ұлттар Лигасының бесінші туры аясындағы матч Алматыда өтеді. Кездесу 19:50-де басталады. Қазақстан құрамасы қарашаның 17-де Норвегияға барады. Әзірге біздің команда бес турдан кейін 1 ұпаймен соңғы орында тұр.
Біздің серіктес: FONBET
