“Тек матчтар арқылы футболшының деңгейі анықталмайды” Ұлттық құраманы жасарту – уақыт талабы ма, әлде тәуекел ме?

Әлиевтің айтуынша, ол ұлттық құраманы тізгіндегенде өзі де таңданысын жасыра алмапты. "Ұлттық құраманы жасарту, жаңа есімдерді шақыру – кез келген бапкер үшін үлкен мәртебе.” – дейді ол. Бұл сөздерден оның жауапкершілікті терең сезінетіні байқалады.

Жаңа бапкердің ең алғашқы қадамдарының бірі – арнайы күнтізбелік жоспар құру. Оның маңызды бөлігі – оқу-жаттығу жиыны. Бұл жиынға клуб бапкерлері мен жастар құрамасының жаттықтырушылары ұсынған психологиялық тұрғыдан дайын ойыншылар шақырылған. Соның нәтижесінде ұлттық құраманың жаңа есімдері белгілі болды: Алияр Мухамед, Наурызбек Жагоров, Дінмұхамед Караман, Темірлан Анарбеков.

Бапкердің пікірінше, кез келген оқу-жаттығу жиыны тек дайындықпен шектелмеуі керек. "Әрбір жиынның бәсекелестік сипаты болуы шарт. Ол үшін міндетті түрде ойындар өткізу қажет. Тек матчтар арқылы ғана футболшының дайындық деңгейін байқай аламыз.” – дейді ол. Бұл жас ойыншыларға өзін дәлелдеудің басты алаңы болмақ.

Ұлттық құраманың жаттықтырушылар штабы қойған барлық талаптар мен шарттарды Қазақстан футбол федерациясы орындаған. Бұл – бапкердің жұмысына сенім білдіріліп отырғанын көрсетеді. Әлиевтің айтуынша, мұндай қолдау команданы жаңа деңгейге шығаруға мүмкіндік береді.