Алматылық клубтың қақпашысы Темірлан Анарбековтің табысы футбол функционерлерін есеңгіретіп тастаған көрінеді, деп хабарлайды Aladop.kz.
Бұл туралы ұлттық құрама өкілі Әлімжан Асқар былай деді:
"Егер сіздер Темірлан Анарбековтің қанша алатынын білсеңіздер, "Мәссаған!” деп таңғалар едіңіздер. Бірақ бұл менің жеке табысым емес, сондықтан нақты сомасын айта алмаймын."
Бұл мәлімдеме жас қақпашының еңбекақысының Қазақстан чемпионатындағы орташа көрсеткіштен әлдеқайда жоғары екенін аңғартады.
"Қайрат” ойыншыларының жалақысы: Кім көп алады?
Журналист Олжас Байбосынның айтуынша, елімізде аспанмен таласқан жалақы алатын футболшылардың саны көп емес. Дегенмен, қазіргі уақытта Чемпиондар лигасында өнер көрсетіп жатқан "Қайрат” ойыншыларының табысы мамандар үшін күтпеген жаңалық болған. Қазақстанда тек санаулы ғана ойыншы өте жоғары жалақыға ие.
