«Тобыл» клубының баспасөз қызметі: Ислам Чесноковтың Шотландияға кетуін дұрыс деп есептейміз

Ислам Чесноковтың «Хартс» клубына ауысу жайлы сыбыс тура 1 жыл бұрын айтылып еді. Неге бұл трансфер енді ғана жүзеге асты?

• Ислам Чесноковтың «Тобылда» келісім-шарты болды. Мерзімі аяқталған соң, ол еркін агент ретінде «Хартс» клубына қосылды.

Футболшыға «Хартстан» бөлек, қандай клубтар қызығушылық танытып еді? Ойыншыны өздеріңіздің сапында тағы алып қалу мүмкіндігі болды ма?

• Білуімше, Ресей және Грекия чемпионаттарының бірнеше клубынан ұсыныстар түсті. Команда Чесноковқа ұсыныс жасады. Бірақ Исламның таңдауы Шотландияға түсті. Клуб оның Шотландияға кетуін дұрыс деп есептейді.

«Тобыл» десе, көз алдымызға бірден Ислам Чесноков елестейді. Бұған дейін «Ақтөбенің» негізгі күші Максим Самородов еді. Ол кеткелі ақтөбеліктер әлі тұрақты ойнай алмай жүр. Сіздерге Исламның кетуі қаншалықты әсер етеді?

• Ислам командада 3 маусым доп тепті. Екі мәрте Қазақстан Кубогын, бір рет Суперкубокты жеңуге көмектесті. Негізгі құрамның нық ойыншысы болды. 2024 жылы Қазақстан чемпионатының үздік сұрмергені атанды. Ал 2025 жылы ел чемпионатында 9 гол соғып, команданың ең үздік шабуылшысы болды. Ең бастысы, Ислам Чесноков «Тобыл» сапында жүріп, 2023 жылы Қазақстан ұлттық құрамасына шақырту алды. Еурокубок аясында атақты «Базель» қақпасына гол соқты. Сондықтан оның еңбегі өлшеусіз.

Исламның орнына қандай футболшыны алуды жоспарлайсыздар? Команданың көшбасшысы кетсе де, сіздердің алдағы маусымдағы мақсаттарыңыз төмендемейтін шығар?

• Қазір команда Түркияда оқу-жаттығу жиынында жүр. Бапкерлер штабы бірнеше ойыншыны қарайды. Талаптан өткені, клубқа шақырылады. Шорт-парақшада бірнеше футболшы бар. Есім-сойын әзірше ашып айта алмаймыз.