Қазақстан Президенті Қасым-Жомарт Тоқаев Көкшетауда жаңа футбол стадионын салуды тапсырды. Мемлекет басшысы аренаның сыйымдылығы кемінде 10 мың адамдық болуы керегін нақты атап өтті.
Бұл шешім биылғы маусымдағы нағыз сенсация – жергілікті "Оқжетпестің” жарқын ойынымен де байланысты. Өткен жылы әлі Бірінші лигада ойнаған команда биыл Қазақстан Премьер лигасының нағыз күтпеген жаңалығы болды. Маусым басында жақсы нәтиже көрсетіп, тек Көкшетаулық жанкүйерлерді ғана емес, бүкіл ел футбол сүйер қауымын таңғалдырды.
Алайда, клуб ұзақ уақыт бойы өз алаңында ойнай алмады, себебі Көкшетаудағы негізгі стадион жөндеуде болды. Сондықтан "Оқжетпес” біраз уақыт бойы үй матчтарын Түркістанда өткізуге мәжбүр болды.
Қазіргі таңда 23 турдан кейін команда 32 ұпай жинап, турнирлік кестеде алтыншы орында тұр. Президенттің бұл шешімі клубтың әрі қарай дамуына, жанкүйерлердің қызығушылығын арттыруға және өңірдегі спорт инфрақұрылымын жақсартуға бағытталған маңызды қадам болмақ.
– Kazinform
