УЕФА атқарушы комитеті тағы бір тарихи шешім шығарды. Биыл әлем чемпионатында қолданысқа енген видео бақылау камералары енді Чемпиондар лигасында да болады. УЕФА да заман ағымына ілесіп, ФИФА-дан кейін техниканың көмегіне жүгінуді жөн деп шешті. Төрешілердің жұмысын жеңілдетуі тиіс видео бақылаулар Чемпиондар лигасының келесі маусымында 1/8-ші финалдан бастап қолданысқа енеді. Камералар 2019-шы жылғы УЕФА суперкубогы мен 2020-шы жылғы Еуропа чемпионатының финалдық кезеңінде қолданыста болады. Бақылау камераларын Ұлттар лигасына 2021-ші жылы енгізу жоспарда бар. Ал, Еуропа лигасының топтық кезеңінен 2020-шы жылы көріп қалуымыз мүмкін.
