«Тоттенхэм» «Ювентус» пен Швеция құрамасының жартылай қорғаушысы Деян Кулусевскимен келісім-шарт жасаспақ, деп хабарлайды италиялық журналист Фабрицио Романо.
Белгілі инсайдердің мәліметінше, алдағы бірнеше сағатта құжаттарға қол қойылады, лондондық клуб футболшыны жалға алғаны үшін 5 миллион еуро төлейді.
Деян «Тоттенхэммен» жеке келісім-шарт мәселесін шешіп қойды және міндетті сатып алу шарты іске қосылған жағдайда футболшы бес жылдық келісімге қол қоятын болады.
Одан бөлек, «Ювентус» пен «Тоттенхэм» Родриго Бентанкурдың (19 + 6 миллион еуро) трансферіне қатысты келіссөздер жүргізуде, ал «Ювентус» оның орнына Денис Закарияны алуды жоспарлап отыр.
Біздің серіктес: FONBET
