«Тұран» команданың бас бапкері Сергей Когай қызметінен кетті, деп хабарлайды Vesti.kz.
Ол осы маусымда өз орнын босатқан «Тұранның» екінші бапкері болды. Маусым басында команданың нашар нәтиже көрсетуіне байланысты ресейлік маман Владимир Газзаев клубтан кеткен еді.
Когаймен бірге бас бапкердің көмекшісі ретінде қызмет еткен Шайзидин Кенжебаев та өз орнын босатты.
Дәл қазір «Тұран» турнир кестесінде 13-ші орында тұр. Келесі турда «Ордабасымен» өтетін ойынға команданы Қазақстан құрамасының экс-футболшысы, бұған дейін клубта физикалық дайындыққа жауапты болған маман Александр Кучма жаттықтырады.
Біздің серіктес: FONBET
